Eins og alltaf var mikið um dýrðir á sprengidagshátíð Hrafnagilsskóla. Kynjaverur af öllum stærðum og gerðum svifu um skólann ýmist í draugaherbergjum, hjá spákonum, í marseringu eða borðandi pitsur. Að sjálfsögðu var kötturinn sleginn úr tunnunni.
Haldin verður sprengidagsskemmtun í Hrafnagilsskóla þriðjudaginn 9. febrúar 2016 frá kl. 13:20-16:00. Skólabílar keyra nemendur heim að skemmtun lokinni.
Sjoppan verður opin og nemendur í 9. bekk selja þar pítsur, sælgæti, svala og gos. Dæmi um verð í sjoppunni;
Í nótt fengum við glænýja sendingu af snjó og eins og sjá má af meðfylgjandi myndum er snjórinn uppspretta mikilla framkvæmda á skólalóðinni og ,,snjó-raðhús“ litu dagsins ljós. Það voru einnig byggð virki, gerðir snjókarlar og kerlingar og farið í ,,hólastríð“. Við erum afar heppin að eiga heima á Íslandi og fá svona frábært hráefni.
Í vetur buðum við í fyrsta skipti upp á valgrein á unglingastigi sem heitir Jóga og slökun. Þetta hefur mælst mjög vel fyrir og nemendur virðast njóta þess að prófa eitthvað nýtt, teygja á og enda á slökun.Eftir áramót hafa krakkarnir í 9. bekk verið í samvinnuverkefni með nemendum frá Frakklandi, Spáni, Grikklandi og Ítalíu. Verkefnið er í gegnum Etwinning en það er skólasamfélag á netinu þar sem hægt er að komast í samband við evrópska kennara og skólafólk ásamt því að taka þátt í einföldum samstarfsverkefnum.
Í morgun var fyrsti ,,hittingurinn“ í [Meira…]
