Frístund

Frístund skólaárið 2022-2023

Frístund  er starfrækt í Hrafnagilsskóla. Þar býðst nemendum í 1.-4. bekk að dvelja frá skólalokum, sem eru kl. 14:00 alla daga, til kl 16:00. Það skal tekið fram að í frístund þarf að sækja þarf börnin á áður ákveðnum tíma, fólk hefur ekki 15 mínútur í viðbót eins og sums staðar tíðkast. Boðið er upp á síðdegishressingu í frístundinni.
Foreldrar og forráðamenn geta valið um þrenns konar dvalartíma. Þeir eru;

• allir dagar milli kl. 14:00 og 16:00.
• þrír ákveðnir dagar í viku milli kl. 14:00 og 16:00.
• tveir ákveðnir dagar í viku milli kl. 14:00 og 16:00.

Verð í frístund eru eftirfarandi:

Tímagjald er 269 kr. á klukkustund og síðdegishressing kostar 140 krónur. Hækkun er 9.9% frá fyrra skólaári.

Ekki er dregið frá mánaðargjaldi þótt barn sé veikt eða í leyfi einhverja daga. Foreldrar og forráðamenn geta þó sótt sérstaklega um niðurfellingu gjalda ef fjarveran varir lengur en 2 vikur samfellt. Greiðsluseðlar eru sendir út mánaðarlega. 

Systkinaafsláttur er samtengdur milli daggæslu, leikskóla og frístundar. Til að njóta afsláttar þurfa börnin að vera skráð á kennitölu sama forráðamanns (greiðanda) og með sama lögheimili.

Starfsmenn frístundar eru: Dóra Hrönn Gústafsdóttir, Inga Lóa Þrastardóttir, Konný Bjargey Benediktsdóttir og Laufey Kristjánsdóttir. 

Eins og áður er það í boði að starfsfólk frístundar komi börnunum á íþróttaæfingar hjá U.m.f. Samherjum óski foreldrar og forráðamenn þess.

Afar mikilvægt er að tilkynna tímanlega til ritara tilfallandi breytingar á dvalartíma t.d. ef börnin eiga að koma heim strax að skóla loknum eða eru að fara í heimsókn til annarra barna.

Hægt er að breyta mánaðarlegri skráningu með því að senda tölvupóst á nanna@krummi.is fyrir 25. næsta mánuð á undan og tilgreina dvalartíma barnsins. Sé ekki haft samband er litið svo á að um óbreyttan tíma verði að ræða.

Hægt er að hafa samband við starfsmenn í síma 464-8103 og einnig er hægt að senda póst á nanna@krummi.is.

Frístund 2022-2023

• 22. ágúst – skólasetning, frístund lokuð.
• 1. sept. – útivistardagur, frístund opin.
• 30. sept. – starfsdagur, frístund lokuð.
• 6. okt. – foreldraviðtalsdagur, frístund opin frá kl. 8:00-16:00 *
• 21. og 24. okt. – vetrarfrí, frístund lokuð.
• 7. nóv. – starfsdagar, frístund lokuð.
• 16. nóv. – dagur íslenskrar tungu – frístund opin.
• 20. des. – litlu jólin, frístund lokuð.21. des.- 1. jan., jólaleyfi, frístund lokuð.
• 2. jan. – starfsdagur, frístund lokuð.
• 31. jan. – foreldraviðtalsdagur, frístund opin frá kl. 8:00-16:00 *
• 22. febr. – öskudagur, frístund lokuð.
• 23. og 24. febr. – vetrarfrí, frístund lokuð.
• 7. mars – útivistardagur, frístund opin.
• 1. – 10. apríl – páskaleyfi, frístund lokuð.
• 21. apríl – starfsdagur, frístund lokuð.
• 1. júní – síðasti skóladagur nemenda, frístund opin.

*Skrá þarf börn hjá starfsmönnum frístundar eða ritara þá daga sem eru stjörnumerktir og greitt er sérstaklega fyrir þá.