Innra mats skýrsla og umbótaáætlun

Inngangur

Markmið gæðaráðs Hrafnagilsskóla er að skólinn bæti stöðu sína kerfisbundið frá ári til árs. Mikilvægast er að matið á því hvort að viðmið og vísbendingar séu til staðar leiði til umbóta.

Á skólaárinu sem er að líða var starfrækt virkt gæðaráð sem fundaði reglulega í vetur á skipulags- og vinnufundum.

Þessi skýrsla staðfestir þá stöðu sem matið leiddi af sér. Við erum spennt að takast á við umbæturnar á næsta skólaári og að vinna að bættum gæðum skólans.

Í gæðaráði skólaárið 2025–2026 sitja: Ástrós Guðmundsdóttir, Auður Thorberg Jónasdóttir, Björk Sigurðardóttir, Nanna Árný Jónsdóttir, Óðinn Ásgeirsson, Ólöf Ása Benediktsdóttir og Silja Garðarsdóttir.

Í Hrafnagilsskóla eru 193 nemendur og við skólann starfa 23 kennarar auk skólastjóra og aðstoðarskólastjóra. Einnig starfa við skólann iðjuþjálfi, þroskaþjálfi, sex stuðningsfulltrúar, fimm skólaliðar, starfsmenn í frístund, húsverðir, ritari, bókavörður og hjúkrunarfræðingur í 20% stöðu. Að auki starfa sex bílstjórar hjá Sérleyfisbílum Akureyrar og þrír starfsmenn við mötuneytið sem rekið er af Eyjafjarðarsveit. Starfsmenn Íþróttamiðstöðvar Eyjafjarðarsveitar sjá um baðvörslu í búningsklefum. Samanlagður fjöldi þeirra sem hér starfa, bæði barna og fullorðinna, er yfir 200 manns og er skólinn fjölmennasti vinnustaður sveitarfélagsins.

Starfsáætlun um innra mat

Haustið 2024 var gæðaráð stofnað við skólann með aðstoð ráðgjafa frá Ásgarði, Gunnþóri Eyfjörð Gunnþórssyni. Samkvæmt ráðleggingum um stofnun gæðaráðs eru fulltrúar foreldra, starfsmanna, kennara og stjórnenda í ráðinu. Gæðaráðið fundaði á mánudögum kl. 14:30–15:45, að jafnaði einu sinni í mánuði. Unnið var eftir starfsáætlun gæðaráðs og vel gekk að halda fundi, leggja fyrir mat samkvæmt áætlun og bera saman gögn.

Starfsáætlun gæðaráðs má skoða hér: Starfsáætlun gæðaráðs 2025–2026.

Niðurstöður mats

Rýnt var í ýmsa þætti skólastarfsins sem snúa að stjórnun og faglegri forystu, námi og kennslu og að lokum að innra mati. Undir hverjum þessara þriggja þátta liggja mörg viðmið og voru þau metin út frá eftirfarandi matsviðmiðum:

• Mjög gott verklagSamræmist fyllilega lýsingu um gæðastarf. Flestir eða allir þættir sterkir.
• Gott verklagFlestir þættir í samræmi við lýsingu á gæðastarfi en möguleikar á umbótum. Fleiri styrkleikar en veikleikar.
• Uppfyllir viðmið um gæðastarf að mörgu leytiEinhverjir mikilvægir þættir sem þarfnast úrbóta. Fleiri veikleikar en styrkleikar.
• Óviðunandi verklagUppfyllir ekki viðmið um gæðastarf á mörgum mikilvægum þáttum. Mikil þörf á umbótum á flestum eða öllum þáttum.

Þeir þættir sem ekki uppfylltu gott eða mjög gott verklag voru skoðaðir sérstaklega og í framhaldinu voru teknir út þættir sem ákveðið var að leggja áherslu á og þeir settir í umbótaáætlun fyrir næsta skólaár.

Gögn eru af ýmsum toga. Stuðst var við niðurstöður Skólapúlsins, foreldrakannanir á vegum skólans, sjálfsmatsgögn vegna tilraunaverkefnis og mat á kennslu. Matið sjálft fer þannig fram að gæðaráð fór yfir öll gögn, niðurstöður voru ræddar og bornar saman við viðmiðin.

Heildarniðurstaða innra mats – Skólaprófíll Hrafnagilsskóla

Heildarniðurstaðan sýnir gæðaprófíl skólans við lok skólaársins.

Litir vísa í matsviðmiðin hér að ofan.

Stjórnun og fagleg forysta

Gögn sem nýtt voru til að máta við viðmið og vísbendingar um gæðastjórnun og faglega forystu voru fundargerðir, niðurstöður kannana og starfsmannasamtala. Einnig var stuðst við starfsáætlun skólans, menntastefnu Eyjafjarðarsveitar, skólanámskrá og fréttabréf Hrafnagilsskóla.

Niðurstaða

Almennt kemur þessi þáttur vel út, verklag er almennt gott. Lengi má gott bæta og í mörgum tilfellum má skýra verklag eða formgera enn frekar. Skólanámskrá og starfsáætlun skólans voru yfirfarnar og eru birtar á heimasíðu skólans. Stefna skólans var rædd á starfsmanna- og kennarafundum og myndræn útfærsla hennar leit dagsins ljós og var kynnt á skólaárinu. Tilraunaverkefnið Foreldrastefnumót var metið og fest í sessi með ákveðnu verklagi. Stjórnendur hafa markvisst yfirfarið og unnið að nýjum verklagsreglum og áætlunum um ýmis málefni er varða stjórnun. Stjórnendur yfirfóru og endurbættu starfslýsingar en ekki náðist að birta þær á skólaárinu. Framundan eru tækifæri til þess að efla þennan þátt enn frekar, til dæmis með því að formgera starfshætti kennslu og stuðningsúrræði.

Nám og kennsla

Gögn sem nýtt voru til að máta við viðmið og vísbendingar um nám og kennslu voru námskrár, einstaklingsnámskrár, skráningar í Mentor og niðurstöður kannana. Einnig var stuðst við starfsáætlun skólans, skólanámskrá og aðrar áætlanir um einstök verkefni.

Niðurstaða

Í þessum þætti er margt sem má bæta en einnig er margt sem er í góðu lagi. Ábyrgð og þátttaka nemenda er almennt mjög góð og verklag gott. Skipulag náms er almennt gott og gæðaráð metur gæði kennslu í góðu lagi. Sá þáttur sem kemur síst út er námsvitund, enda sést það í umbótaáætlun fyrir næsta skólaár þar sem lögð er áhersla á skýrari og markvissari markmiðssetningu nemenda og aukna meðvitund þeirra um námsframvindu sína.

Eitt af markmiðum vetrarins var að formgera innlit í kennslustundir og veita kennurum endurgjöf á kennslu. Þetta náði fram að ganga, gæðaráð tók þátt í matinu og undirbúningur og framkvæmd gekk mjög vel. Framtíðarsýn er að jafningjamat og ígrundun kennara aukist og þannig taki fleiri þátt í mati á gæðum kennslu.

Innra mat

Gögn sem nýtt voru til að máta við viðmið og vísbendingar um innra mat voru umbótaáætlun, sjálfsmatsskýrsla og niðurstöður kannana. Einnig var stuðst við starfsáætlun skólans auk matsáætlunar ársins og langtímaáætlunar gæðaráðs.

Niðurstaða

Almennt kemur þessi þáttur mjög vel út, flestir undirþættir eru með mjög gott verklag.

↑ Efnisyfirlit

Umbótaáætlun skólaársins 2026–2027

Umbótaáætlun nær til þeirra þátta sem samkvæmt innra mati ber að fara í umbótaferli og þá er miðað við valda þætti sem ekki ná mjög góðu eða góðu verklagi. Umbætur geta varað í nokkra mánuði eða lengur. Mikilvægt er að umbótum séu sett viðmið um árangur, ábyrgðaraðila og að aðgerðatímabilið sé skilgreint.

Umbótaáætlunin skiptist í þrjá þætti, það er að segja: innra mat, nám og kennslu og stjórnun. Hver þessara þriggja þátta inniheldur að lágmarki þrjá undirþætti þar sem áhersluþættir eru tilgreindir nánar. Í hverri töflu er tækifæri til umbóta feitletrað og aðgerðir til umbóta skáletraðar þar fyrir neðan.

Innra mat

Nám og kennsla

Stjórnun og fagleg forysta

↑ Efnisyfirlit