Frístund

Frístund skólaárið 2026–2027

Frístund er starfrækt í Hrafnagilsskóla. Þar býðst nemendum í 1.–4. bekk að dvelja eftir skóla frá kl. 14:00 til kl. 16:00. Foreldrar og forráðamenn geta valið um þrenns konar dvalartíma:

• allir dagar milli kl. 14:00 og 16:00
• þrír ákveðnir dagar í viku milli kl. 14:00 og 16:00
• tveir ákveðnir dagar í viku milli kl. 14:00 og 16:00

Verðskrá

Boðið er upp á síðdegishressingu í frístund. Tímagjald er 327 kr. á klukkustund og síðdegishressing kostar 171 krónu. Hækkun frá síðasta skólaári er 2,5% skv. ákvörðun sveitarstjórnar vorið 2026.

Ekki er dregið frá mánaðargjaldi þótt barn sé veikt eða í leyfi einhverja daga. Foreldrar og forráðamenn geta þó sótt sérstaklega um niðurfellingu gjalda ef veikindi vara lengur en 2 vikur samfellt. Greiðsluseðlar eru sendir út mánaðarlega.

Systkinaafsláttur er samtengdur milli leikskóla og frístundar. Til að njóta afsláttar þurfa börnin að vera skráð á kennitölu sama forráðamanns (greiðanda) og með sama lögheimili.

Starfsfólk

Starfsmenn frístundar eru: Arnór Gauti Kristinsson, Arnrún Hildur Hrólfsdóttir, Bjarney Guðbjörnsdóttir og Marta Þórudóttir.

Eins og áður er í boði að starfsfólk frístundar aðstoði börn við að mæta á íþróttaæfingar hjá U.m.f. Samherjum, óski foreldrar og forráðamenn þess.

Breytingar á dvalartíma

Afar mikilvægt er að tilkynna tímanlega til ritara tilfallandi breytingar á dvalartíma, t.d. ef barn á að koma heim strax að skóla loknum eða er að fara í heimsókn til annars barns.

Hægt er að breyta mánaðarlegri skráningu með því að senda tölvupóst á nanna@krummi.is fyrir 25. næsta mánaðar á undan og tilgreina dvalartíma barnsins. Sé ekki haft samband er litið svo á að um óbreyttan tíma verði að ræða.

Skóladagatal frístundar 2026–2027

* Skrá þarf börn hjá starfsmönnum frístundar eða ritara þá daga sem eru stjörnumerktir og greitt er sérstaklega fyrir þá.