Nemendur 5. bekkjar Hrafnagilsskóla heimsóttu vinabekk sinn í Glerárskóla í dag. Heimsóknin er liður í vinabekkjarsamstarfi skólanna sem hófst á síðasta ári þegar nemendur Glerárskóla komu í heimsókn til okkar.

Nemendur Glerárskóla kynntu umhverfi skólans fyrir gestum sínum. Svo tóku við skemmtilegar íþróttir, frímínútur og sameiginlegur hádegisverður. Eftir vel heppnaðan skóladag var farið í Kvenfélagslundinn þar sem börnin nutu samveru og leikja í fallegu umhverfi.

Markmið vinabekkjarsamstarfsins er að efla tengsl nemenda milli skóla og gefa þeim tækifæri til að læra hvert af öðru. Samstarfið hefur verið afar ánægjulegt og fræðandi fyrir nemendur beggja skóla.

Í för með nemendum voru umsjónarkennararnir Hulda og Lovísa ásamt Helgu og Skírni stuðningsfulltrúum.

Þreytt en glöð börn héldu svo heim í helgarfrí, full af nýjum minningum og upplifunum.