Sprengidagshátíð verður haldin í Hrafnagilsskóla þriðjudaginn 4. mars milli kl. 13:00-15:30. Skólabílar keyra nemendur heim að skemmtun lokinni.
Sjoppan verður opin og nemendur í 10. bekk selja þar pítsur, sælgæti, gos, safa og kókómjólk. Þeir sem ætla að kaupa í sjoppunni verða að muna að koma með peninga að heiman. 🙂
Dæmi um verð í sjoppunni;
- pítsusneið 600 kr.
- gos 300 kr.
- safi/kókómjólk 300 kr.
- súkkulaðistykki á bilinu 50-150 kr.
- jarðaberjasælgæti 200 kr.
- mentos 200 kr.
- sleikipinni 50 kr.
Hægt verður taka þátt í söngliðakeppni, fara til spákonu, í draugaherbergi og á fleiri skemmtilegar stöðvar. Nemendum yngsta stigs verður boðið upp á einfalda andlitsmálningu og hárgreiðslu óski þeir þess. Allir nemendur eru hvattir til að mæta í búningum og leyfa hugmyndafluginu að njóta sín. Veittar verða viðurkenningar fyrir söng og búninga sem skara fram úr.
Að sjálfsögðu er foreldrum velkomið að koma og líta á dýrðina.
Frí verður í skólanum á öskudag og vetrarfrí dagana 6. og 7. mars, nemendur mæta síðan í skólann mánudaginn 10. mars. Það skal tekið fram að engin frístund verður á öskudag og vetrarfrís dagana tvo en þeir sem skráðir eru í frístund á þriðjudögum eiga þess kost að vera til kl. 16:00, eftir skemmtunina. Við biðjum foreldra og forráðamenn þeirra barna að láta vita í skólann hvort börnin þeirra mæti í frístundina þennan hálftíma.
