Síðasta skóladag nemenda, miðvikudaginn 1. júní, verður sameiginleg samverustund í Aldísarlundi kl. 11:30. Við endum á því að grilla hamborgara og borða í lundinum áður en skóladegi lýkur kl. 13:00. Athugið að þennan dag keyra skólabílar fyrr heim en frístund er opin fyrir þá sem þar eru skráðir.

Fimmtudaginn 2. júní er starfsdagur í skólanum og engin kennsla og skólaslit eru seinni partinn kl. 18:00 í íþróttasal skólans. Eftir skólaslit er kaffiboð fyrir nemendur 10. bekkjar sem eru að kveðja skólann, fjölskyldur þeirra og starfsfólk skólans.

Skólasetning verður mánudaginn 22. ágúst kl. 13:00. Þá mæta nemendur ásamt foreldrum fyrst inn í íþróttasal en síðan eru námskynningar í heimastofum hvers bekkjar. Nemendum 1. bekkjar verður boðið í foreldraviðtöl í kringum skólabyrjun en mæta einnig á skólasetninguna.
Starfsfólk Hrafnagilsskóla þakkar nemendum, foreldrum og forráðamönnum samfylgdina í vetur og óskar ykkur gleðilegs sumarfrís.