Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Hrafnagilsskóli hefur hefur sýn sem byggir á skilningi, fagmennsku og dyggðum. Agastefna skólans er Jákvæður agi og meðal einkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

 

Við óskum eftir að ráða í eftirfarandi stöður frá og með 1. ágúst 2025.

Kennari í heimilisfræði

Kennari í 80% starf í heimilisfræðikennslu. Leitað er eftir kennara sem er faglegur og sjálfstæður í vinnubrögðum, kveikir áhuga nemenda og sýnir góðvild og festu.

 

Afleysingastaða – íþróttakennari í hlutastarf

Íþróttakennari í 60% starf. Möguleiki er á hærra starfshlutfalli með því að bæta við kennslu í öðrum námsgreinum.

Leitað er eftir kennurum sem:

• Sýna metnað í starfi.
• Vinna í góðri samvinnu við starfsfólk, nemendur og foreldra.
• Eru færir og liprir í samskiptum.
• Eru skapandi og sjálfstæðir.

 

Menntunar- og hæfniskröfur:

• Kennaramenntun og réttindi til kennslu í grunnskóla.
• Lagar kennslu- og starfshætti markvisst að þörfum nemenda.
• Sýnir metnað fyrir hönd nemenda.
• Vinnur í samvinnu við kennara og annað fagfólk.
• Sýnir árangur í starfi.
• Sýnir hæfni í mannlegum samskiptum.
• Sýnir frumkvæði, skipulagsfærni og sjálfstæði í vinnubrögðum.
• Hefur gott orðspor og krafa er gerð um að framkoma og athafnir á vinnustað samrýmist starfinu.

 

Laun kennara eru samkvæmt kjarasamningum Sambands íslenskra sveitarfélaga og Kennarasambands Íslands vegna Félags grunnskólakennara.

 

Starfsfólk í frístund

Starfsfólk í frístund í hlutastarf. Vinnutími er milli klukkan 14:00 og 16:00 alla virka daga og einhverja daga frá klukkan 12:00. Starfsfólk starfar með forstöðumanni frístundar og er í góðu samstarfi við foreldra og starfsfólk skólans. 

Leitað er eftir starfsfólki sem:

• Hefur reynslu af starfi með börnum.
• Sýnir metnað í starfi.
• Er fært og lipurt í samskiptum.
• Sýnir sjálfstæði í vinnubrögðum.
• Getur leyst mál í samvinnu við starfsfólk, nemendur og foreldra.
• Hefur gott orðspor og gerð er krafa um að framkoma og athafnir á vinnustað samrýmist starfinu.

 

Skólaliði

Skólaliði í 75% starf en getur einnig starfað í frístund óski viðkomandi eftir 100% starfi. 

Leitað er eftir starfsfólki sem:

• Sýnir metnað í starfi.
• Er fært og lipurt í samskiptum.
• Sýnir sjálfstæði í vinnubrögðum.
• Getur leyst mál í samvinnu við starfsfólk, nemendur og foreldra.

 

Upplýsingar veita skólastjórnendur; Ólöf Ása Benediktsdóttir og Björk Sigurðardóttir í síma 464-8100. Sótt er um störfin með því að senda umsókn, ferilskrá og greinagerð á netföngin; asa@krummi.is eða bjork@krummi.is.

 

Umsóknarfrestur er til og með 25. apríl 2025.