Saga Hrafnagilsskóla

Haustið 1971 hófst skólahald í Hrafnagilsskóla  en skólinn var heimavistarskóli fyrir 4 sveitarfélög (Svalbarðsstrandarhrepp, Öngulsstaðahrepp, Saurbæjarhrepp og Hrafnagilshrepp). Þetta fyrsta starfsár stunduðu nám í skólanum nemendur í 1. og 2. bekk gagnfræðastigs, alls 64, og fór kennslan fram á heimavist skólans.

  • Árið 1972 fluttist kennslan úr heimavistinni og yfir í nýtt kennsluhúsnæði, en skólinn var síðan formlega vígður 3. desember 1972.
  • 1973 var fyrst tekið landspróf við skólann og árið eftir gagnfræðapróf.
  • Árið 1974 var flutt í þrjár nýjar íbúðir við norðurálmu heimavistar
  • Árið 1980 var ný sundlaug, stærð 11 x 25 m.,  tekin í notkun
  • Árið 1982 var flutt í nýjan skólastjórabústað
  • Árið 1989 var rekstri heimavistar við skólann formlega hætt og tekinn alfarið upp daglegur akstur. Á starfstíma heimavistarinnar var fjöldi nemenda sem þar bjó frá 64 fyrsta starfsárið og upp í 89 nemendur þegar mest var.
  • Árið 1989 var nýtt íþróttahús tekið í notkun við skólann með mikilli vígsluhátíð.
  • Árið 1991 voru sveitarfélögin þrjú í innanverðum Eyjafirði sameinuð undir nafninu Eyjafjarðarsveit. Skólaárið 1991-1992 voru 69 nemendur í skólanum.
  • Árið 1992 er allt skólahald í Eyjafjarðarsveit sameinað undir eina stjórn. Allir nemendur fluttir á einn stað að Hrafnagili, en fyrst eftir sameininguna var skólasel í Sólgarði fyrir yngstu nemendurna úr Saurbæjarhreppi, en því var síðan lokað 1995. Þeir skólar sem sameinaðir voru: Grunnskóli Öngulsstaðahrepps Laugalandi, Grunnskóli Saurbæjarhrepps Sólgarði, Grunnskóli Hrafnagilshrepps Hrafnagili og Hrafnagilsskóli.
  • Samfara þessari sameiningu voru innréttaðar kennslustofur í kjallara íþróttahúss
  • Haustið 2000 var stofnuð sérdeild við skólann fyrir stúlkur sem dveljast á meðferðarheimilinu á Laugalandi. Að öllu jöfnu eru það 4-6 sem sækja skólann að staðaldri.
  • 2001 er viðbygging reist við suðurenda skólans með fjórum almennum kennslustofum, einni minni stofu, bókaherbergi og miðrými. Jafnframt var elsti hluti skólans endurnýjaður.
  • 13. janúar 2007 var ný sundlaug vígð ásamt heitum potti, vaðlaug, rennibraut og eimbaði. Einnig voru búningsklefar endurnýjaðir.

Vorið 2007 fékk skólinn Íslensku menntaverðlaunin sem forseti Íslands veitir þeim skólum sem sýna framúrskarandi skólastarf.

Haustið 2010 voru nemendur skólans 211.

Haustið 2011 voru nemendur skólans 203.

Haustið 2012 voru nemendur skólans 182.

Haustið 2013 voru nemendur skólans 173.

Haustið 2014 voru nemendur skólans 170.

Haustið 2015 voru nemendur skólans 150.

 

(Skráð af Sigurði Aðalgeirssyni með viðbótum frá KF)